საათი

In categories: სხვადასხვა

05/08/2014

რა როლს თამაშობს საათი ადამიანის ცხოვრებაში? ერთი შეხედვით მარტივი, მაგრამ ამავე დროს ძალიან დიდი დატვირთვის მქონე კითხვაა, რომელიც თითოეულ ჩვენგანს ერთხელ მაინც დაგვისვამს საკუთარ თავთან მაინც. ჯერ კიდევ უხსოვარ დროს, როდესაც ტექნიკური პროგრესის და ცივილიზაციის ნიშანწყალიც კი არ იყო დედამიწაზე, ადამიანებს მაინც ჰქონდათ სხვადასხვა ხერხი იმისა, თუ როგორ გაეგოთ ზუსტთან მიახლოებული დრო. პირველი მოწყობილობა, რომლის საშუალებითაც ადამიანმა შეძლო დროის გაზომვა, იყო მზის საათი ძვ.წ. 3 ათასწლეულში. მას შემდეგ მრავალი საუკუნეები გავიდა, დღეს კი როდესაც ადამიანის ცხოვრების განვითარების ამ ეტაპზე დროის ფაქტორი უმნიშვნელოვანესი გახდა, საათის როლიც და მისდამი მოთხოვნაც უპირველესად მიიჩნევა. დედამიწაზე ადამიანის არსებობის დასაბამიდან დროის ფუნქციამ განსაკუთრებული მნიშვნელობა 21-ე საუკუნეში შეიძინა, ასე გაგრძელდება მომავალი წლებიც. ხშირად გაგიგიათ ალბათ ფრაზა „დროს არ ჩამორჩე“ რას ნიშნავს ეს? ჩვენს გარშემო ყოველ წუთს იმდენი რამ ხდება, ისე სრაფად იცვლება ყველაფერი, იმდენად დაჩქარებულია ცხოვრების რიტმი და ტემპი რომ ერთი უმოქმედოდ გატარებული დღეც კი შეიძლება ძნელად ასანაზღაურებელი გაგვიხდეს. რადგან დროის სვლას ადამიანი წინ ვერ აღუდგება, იძულებულია მიყვეს მას კვალდაკვალ და თან იქონიოს დროის განმსაზღვრელი ელემენტი საათი. ცხოვრება ჭადრაკია. გააკეთე დროული სვლა რათა არ ჩავარდე ცაიტნოტში. დრო მატერიის არსებობის ერთ-ერთი ძირითადი ფორმაა, რომელიც მოვლენების კანონზომიერი მონაცვლეობით გამოიხატება. არც ერთი მეცნიერის კვლევის საგანი არ ყოფილა ის, თუ რომელია ყველაზე ხშირი კითხვა ადამიანებში, ყველა ერთხმად ვაღიარებთ რომ, დღეში რამოდენიმეჯერ ვკითხულობთ. რომელი საათია?
სადაც არ უნდა ვიყოთ საათი ყველგან გვხვდება, ქალაქის ცენტრალურ მოედნებზე, მიკროავტობუსის გაჩერებებზე, მეტროში, რესტორნებში, კინოში, თეატრში თუ საკუთარ საძინებელ ოთახში, მაგრამ დამეთანხმებით ალბათ,საქმიანი ადამიანისათვის ეს საკმარისი არაა, ის საათს აუცილებლად უნდა დაატარებდეს მაჯით, რათა ზუსტად ქონდეს დროში განსაზღვრული ყველაფერი.
მაჯის საათი-განსხვავდება ერთმანეთისაგან უპირველესად დიზაინით,შიდა მექანიზმებით,და მწარმოებელი ფირმებით. უპირობო ლიდერი საათის წარმოებაში შვეიცარული ბრენდი ROLEX-ია რომელიც გამორჩეულია თავისი ხარისხით, უძვირფასესი დიზაინით, მაქსიმალური სიზუსტითა და რაც მთავარია გამძლეობით. გამომდინარე აქედან, ყველაზე ძვირადღირებული საათები სწორედ ROLEX-ის ფირმისაა. ასევე გვხვდება შედარებით დაბალი ხარისხის, მაგრამ არც თუ ისე ცუდი წარმოების ფირმები, ამ მხრივ ლიდერი, იაპონური ბრენდებია. სხვადასხვა ხარისხის ელემენტზე მომუშავე საათებს შორის გამორჩეულია CITIZEN ECO-DRIVE-ს ფირმა,რომლის ელემენტიც მზის ენერგიაზე იმუხტება და არასოდეს ემუქრება მის ისრებს გაჩერება. ასევე დიდი არჩევანია ავტომატურ საათებს შორის, რომელიც მაშინვე იწყებს მუშაობას როდესაც მას მაჯაზე მოირგებთ და მოძრაობაში იქნებით. არჩევანი ბაზარზე უდაოდ დიდია, გააჩნია ადამიანის გემოვნებას და რაც მთავარია ფინანსურ შესაძლებლობას. დღესდღეობით წარმოებაში არც თუ ცოტაა ბრენდი ფირმების საქონელის დაპატენტებული ვერსიები, ნუ გაგიკვირდებათ და მომხმარებლის რაოდენობითაც არაფრით ჩამოუვარდებიან ცნობილ ფირმებს. თანამედროვე ტიპის საათებს შორის კონკურენციისა თუ ფასის მიუხედავად, აქტუალობას მაინც არ კარგავს ანტიკვარი ანუ ძველებური მაგალითად ჯიბის საათი. მრავალფუნქციური და სილამაზით გამორჩეული საათი უფრო ნაკლებად ფასობს ვიდრე ანტიკვარული. რაც შეეხება ქალის საათს. ძირითადად მისი დატვირთვა ესტეთიურად უფრო მაღალია ვიდრე ფუნქციურად, ქალების უმეტესობა, ერთგვარი სამკაულის ნიშნად ატარებს საათს, თუმცა როგორც საქმიანი მამაკაცისათვის, ასევე ქალისათვისაც აუცილებელი ატრიბუტია. კარგად მოგეხსენებათ რომ, სახლიდან გაუსვლელად შეგვიძლია ვიყიდოთ ნებისმიერი ნივთი, უმაღლეს დონეზე განვითარებულმა ინტერნეტ მომსახურებამ შესაძლებელი გახადა ჩვენი ნებისმიერი სურვილის დაკმაყოფილება ამა თუ იმ ნივთისადმი. არსებობს საიტები, სადაც დეტალურად შეგვიძლია გავეცნოთ საათის შესახებ ყველაფერს.უბრალოდ საძიებო ველში მიუთითებთ სასურველ მოდელს და ყველაფერი გადაიშლება თქვენს მონიტორზე, მინიმალური ფასიდან დაწყებული, მილიონებზე დამთავრებული, იმისათვის რომ გაერკვეთ ნივთის ხარისხიანობის შესახებ დეტალურად გაეცნობით მის შესახებ ყველაფერს და მხოლოდ ამის შემდეგ გდაწყვეტთ მის გამოწერას. დღესდღეობით ყველაზე ძვირადღირებული საათი არის chopard-201 carat მასში ბრილიანტებით გაწყობილი 201 კარატია და ღირებულება შეადგენს 25 000 000 დოლარს. შეუსაბამეთ თქვენი სურვილი თქვენს ბიუჯეტს, დაუქვემდებარეთ დროის ფასს ყოველი თქვენი ნაბიჯები, და იყავით წამზომივით მოძრავები. ადამიანი დროში ჩაკარგული ატომია იპოვეთ დრო. იქონიეთ მისი ფასი. ააწყეთ ცხოვრება საათივით.

Related Posts

Leave a Reply