მარგალიტი

In categories: სხვადასხვა

05/08/2014

margaliti

მარგალიტი   ერთ-ერთი  ყველაზე ძვირფასი ქვაა მსოფლიოში. იგი მოიპოვება  ოკეანეში.  არსებობს სპეციალური ნაგებობები, ე.წ   „მარგალიტის ფერმები“, სადაც   ხდება მისი აგროვება და დასუფთავება.
მას  გამოიმუშავებს   მოლუსკების  ზოგიერთი  სახეობა, რომელთაც  გააჩნიათ  ორსადგულიანი ნიჟარა. ეს ნიჟარები ერმანეთთან მხოლოდ ერთი გვერდით არის დამაგრებული. ამ მოლუსკების შინაგანი ორგანოები გახვეულია ე.წ   „მანტიაში“,  რომელიც  გამოყოფს  ორგანულ ნივთიერებას,  „კონხიონიდს“.

უფრო სიღრმეში  განლაგებულია ზონა, რომლის უჯრედები გამოყოფს კალციტებს ან არაგონიტეს. მოლუსკს აქვს მესამე ზონაც, სადაც კალციუმის კარბონატის უმცირესი ზომის ქერვლები.

ყველა ეს მასალა თანმიმდევრობით ეფინება მოლუსკის კედლებს და წარმოქმნის სადაფს.

თუ ნიჟარაში მოხვდება უცხო სხეული, მაგალითად ქვიშის მარცვალი, ნივთიერებები დაიწყებს მასზე დაფენას და რამდენიმე წელიწადში  წარმოიქმნება მარგალიტი.

ასევე არსებობს მარგალიტის კულტივიტის ტექნოლოგია, რომელიც ცოტა განსხვავდება  დღეისთვის მთელ მსოფლიოში მიღებული მეთოდებისგან და ის პირველად იაპონიაში შეიმუშავეს.  სწორედ ამ ტექნეოლოგიამ გახადა ყველასათვის ხელმისაწვდომი მარგალიტის სამკაულები.

იაპონური მოლუსკის ფორმას ათავსებენ სხვა მოლუსკის სხეულიდან აღებულ პატარა,  სადაფის მსგავს ბურთულასთან, საიდანაც შემდეგ გამოჰყავთ ეს ქვა.

იაპონურ მარგალიტს უბირთვო მარგალიტს უწოდებენ და რენტგენის აპარატის მეშვეობით  ნებისმიერი სხვა  წარმოშობის ეგზემპლარისგან იოლი გასარჩევია-დასხივების დროს მარგალიტის Sიგნით არანაირი უცხო სხეული  არ გამოჩნდება.

იაპონიაში გამოყვანილი ეს ძვირფასი ქვა, გარდა ტრადიციული ფერებისა, შეიძლება იყოს მოოქროსფრო და მომწვანო. ასევე, გამოჰყავთ ძვირფასი ვარდისფერი და სპილენძისფერი.

xelovnuri margaliti

ამ ულამაზესი და ელეგანტური ქვიისგან  მზადდება  ყელსაბამი, საყურე, სამაჯური, ბეჭედი,  ჩანთები და აქსესუარები: სათვალეები, მობილურის ჩასადებები, ირთვება  ტანსაცმელი, ასევე საღამოს და საპატარძლო კაბები და ფეხსაცმელებიც კი.

ამ უმშვენიერესი ქვით  მორთული ნებისმიერი ნივთი თუ ტანსაცმელი გაცილებით ძვირად ფასობს.

ის  ასევე გამოიყენება ავეჯის მოსართავად,  ფარდების გასაწყობად და ოთახის სანათის გასაფორმებლადაც.  აგრეთვე  ულამაზესია  მისით  გაფორმებული საპატარძლო თაიგულები.

დღესდღეობით მსოფლიოს წამყვანმა კონდიტერებმა  დაამზადეს  მარგალიტი, რომელიც ნამდვილისგან გარეგნულად არაფრით განსხვავდება.

ის  ოთხი ტიპის  და ფერისაა: შავი, თეთრი, ყვითელი და ვარდისფერი. ასევე არსებობს სხვადასხვა სახის მარგალიტი: ნატურალური, გამოყვანილი და იმიტირებული.

shavi margaliti

feradi margalitebi

ნატურალური არის ის, რომელიც თავისთავად, ადამიანის ჩაურევლად იბადება წყალში.   გამოყვანილსაც იგივე ფორმულა და შემადგენლობა აქვს, ოღონდ მისი გამოყვანა ადამიანის დახმარებითაა შესაძლებელი, იმიტირებული  კი მთლიანად ადამიანის ხელითაა შექმნილი.

მისი  ზომა, ფორმა და ფერი იმაზეა  დამოკიდებული, თუ როგორ წყალში (მლაშე, მტკნარი) წარმოიქმნა და რა დრო დასჭირდა მის ჩამოყალიბებას.

არსებობს მოსზრება, რომ ის  სამკურნალოდაც გამოიყენება. მარგალიტი, რომელიც დღეს სამკურნალოდ გამოიყენება,  გამოყვანილია.

ნატურალური მარგალიტი ყველაზე ძვირფასი და ძვირადღირებულია. ერთნაირი ზომის და წონის ნატურალური მარგალიტის მძივის ასაკინძად ათეულობით წელია საჭირო.  მაგ:  ოთხი მმ  მის  ჩამოყალიბებას 20-25 წელი სჭირდება.  ის უნიკალური საიუველირო ნაწარმია, რომელსაც დამუშავება არ სჭირდება.

ის  ოდითგანვე სიმდიდრის მომტანად ითვლებოდა.

vardisferi margaliti

ცნობილია, რომ ვარდისფერი მარგალიტი კურნავს მელანქოლიას და ასევე მისი ტარება სასარგებლოა ალერგიული ადამიანებისთვის. შავი მარგალიტი კი მარგალიტების დედოფლად ითვლება. აგრეთვე ცნობილია, რომ მას  შეუძლია უმკურნალოს ღვიძლს, თირკმელებს და ასევე  აქვს უნარი გამოიტანოს კენჭი თირკმელებიდან.  მედიცინაში ის VII საუკუნიდან მელანქოლიისა და სიგიჟის სამკურნალოდ გამოიყენებოდა.  ასევე  ოდითგანვე აქტიურად მოიხმარდნენ კოსმეტოლოგიაში.

მდინარეში მოპოვებული მარგალიტი მუშავდებოდა და მას „აკვა პერლატა“ – მარგალიტის წყალი ერქვა.  ეს ქვა ძალიან დიდიხანია აღარ არის მხოლოდ მორთულობა და ლამაზი ნივთი. ძალიან ბევრი ცნობილი ფარმაკოლოგიური ფირმა თავის პროდუქციაში იყენებს „მარგალიტის ფხვნილს“.  ის შეიცავს ამინომჟავებს, მიკროელემენტებს და გლუკოზას, რომელიც ჭიმავს სახის კანს.

მას აქვს უნარი ნივთიერებათა ცვლის პროცედურების დარეგულირებისა, აუმჯობესებს კანის სტრუქტურას, ჭიმავს და ახალგაზრდავებს კანს, მატებს ჯანსაღ იერს და იგი თავისი უნიკალური თვისების გამო ხშირად გამოიყენება ანტი-ასაკობრივ კოსმეტიკაში, ასევე გამოიყენება აჭრელებულ სახის კანთან საბრძოლველად და ხელს უწყობს მზის მოკიდებას. უწესო, ბოროტი ადამიანის ხელში იგი მუქდება,  ან სულაც იმსხვრევა.  ქვის გამუქება ასევე შეიძლება იყოს ჯანმრთელობის პრობლემების სიგნალიც.

საქართველოშიც ოდითგანვე გამორჩეული ქვა იყო ის.  ამ ქვისადმი  განსაკუთრებული დამოკიდებულების მაჩვენებელია თამარ მეფის გულსაკიდი ჯვარი, რომელიც შემკული იყო ძვირფასი თვლებითა და მარგალიტებით.  აღსანიშნავია ისიც რომ, შოთა რუსთაველი „ვეფხისტყაოსანში“ ყურადღებას ამახვილებს  სწორედ ამ ქვაზე:  „ხშირად ესხა მარგალიტი ლაგამ-აბჯარ-უნაგირსა“. ამ დროიდან  ქართულ სამოსსაც ამშვენებს  სწორედ ეს ქვა. და ასევე ირთვებოდა ხატები და საეკლესიო  ნივთები. მიტრა მიტროფანე მღვდელმთავრისა.  პერიოდი:  XVI საუკუნის ბოლო, XVII  საუკუნის დასაწყისი. (აღმოსავლეთ საქართველო)

მსოფლიოში ყველაზე დიდი მარგალიტია  „La Regente”, რომელიც თითქმის 21 გრამს იწონის. თავის დროზე ის ნაპოლეონმა  აჩუქა თავის ცოლს ვაჟის დაბადებასთან დაკავშირებით. შემდეგ ის საფრანგეთის სამეფოს ეკუთვნოდა და 1887 წელს ცნობილმა იუველირმა – „კარლ ფაბერჟემ“  სამეფო გვირგვინში ჩასვა.

ყველაზე გავრცელებულ და ძვირადღირებულ მარგალიტად „Pinctade fucate“ ითვლება. ამ ქვით  ცნობილმა იაპონელმა მწარმოებელმა – „კოკიტი მიკომოტომ“  XX საუკუნის დასაწყისში მსოფლიო ბაზარიც დაიპყრო.  ამ ქვაზე მოთხოვნა ყოველდღიურად იზრდება და ის ყოველთვის ასოცირდება დახვეწილობასა და ელეგანტურობასთან.

Related Posts

Leave a Reply