გაგიგონია, როგორ მიატოვა მწყემსმა მთელი ფარა, ერთი დაკარგული ცხვარი რომ ეპოვა? ან ის თუ იცი, რატომ არ შეუშვეს ქორწილში პატარძლის მეგობარი ქალწულები, სიძის მოლოდინში რომ ჩაეძინათ? ეს ბიბლიური იგავებია – სიბრძნით სავსე, ხალისიანი და დამაფიქრებელი ამბები. გადაშალე ეს მშვენიერი გვერდები და იმოგზაურე ულამაზეს ბიბლიურ სამყაროში. შეხვდი კეთილ სამარიელს, მოუსმინე მოწყალე მეფეს, ნახე, როგორ ეგებება მამა დიდი ხნის დაკარგულ შვილს. ბიბლიური იგავები – ეს შენი წიგნია, სავსე ცოდნითა და ხალისით.
