ისტორიის სახელმძღვანელოების ეს კრებული სამი წიგნისგან შედგება და წარმოადგენს მსოფლიოსა და საქართველოს ისტორიის სრულ კურსს უძველესი დროიდან თანამედროვეობამდე. კურსი მოიცავს საშუალო საფეხურზე ეროვნული სასწავლო გეგმით გათვალისწინებულ ყველა საკითხს და, ამასთან, ისტორიის ეროვნული გამოცდებისთვის მოსამზადებლად საჭირო მასალას.
სახელმძღვანელოს უმთავრესი პრინციპია, ინტეგრირებული იყოს მსოფლიოს და საქართველოს ისტორია, რაც უმნიშვნელოვანესია საქართველოს, როგორც სხვადასხვა კულტურის, იმპერიისა თუ ცივილიზაციის შეხვედრის ადგილის აღსაქმელად. ეს შეუძლებელია ფართო, გლობალური ისტორიული კონტექსტის გარეშე და სწორედ ამიტომ, მოყოლებული პრეისტორიული ხანიდან, გაგრძელებული ანტიკური ეპოქითა თუ ადრეული შუა საუკუნეებით, საქართველოს ისტორია წარმოდგენილია გლობალური და რეგიონული ისტორიული პროცესების განუყოფელ ნაწილად.
წიგნისთვის საგანგებოდ შეიქმნა დამხმარე რესურსები პრეზენტაციების სახით, რომლებიც მასწავლებლებს ხელს შეუწყობს მოსწავლეებთან კომუნიკაციისა და გაკვეთილის დაგეგმვის პროცესში. გარდა ამისა, სპეციალურად შექმნილ პლატფორმაზე მოსწავლეებსა და მასწავლებლებს მივაწვდით არაერთ დამატებით ციფრულ რესურსს, რომლებიც მათ წიგნის უფრო შემოქმედებითად ათვისებასა და სწავლა-სწავლების პროცესის დროს დაეხმარება.
 (1).png "Supported cards"){kind=icon}