ძვირფასო მკითხველო როცა წაიკითხავ ჩემს წიგნს ,,მიმოხვეულში'', მიმიხვდები, რატომ მივეცი ეს სახელწოდება , დაინახავ, რამდენი გზა მაქვს გავლილი – სწორი, აღმართ–დაღმართი თუ მიმოხვეული. ბავშვებს ოთხი კრებული მივუძღვენი , გზადაგზა ვწერდი დიდებისთვისაც, რაც იბეჭდებოდა გაზეთებში, ჟურნალებში და რასაც მრავალი გამოხმაურება მოჰყოლია რეცენზიების და წერილების სახით. ახლა გთავაზობთ წიგნს, რომელშიც ნათლად ჩანს ჩემი დამოკიდებულება სამშობლოს, დედის(პოემა ,,ქალქვა'') ქართული ენის (გიცანი, ადამ), მშობლიური კახეთის, ჩვენი მადლიანი ბუნების, მზის, ადამიანების, სიყვარულის და სხვა მრავალი საკითხის მიმართ.
თავად განსაჯე, როგორ ვიარე ცხოვრების რთულ მიმოხვეულში უფლის წყალობით და სიყვარულით.
აქვე მინდა ღრმა პატივისცემა და მადლიერება გამოვხატო ბატონი ლევან თითმერიას – გამომცემლობა ,,საარის'' დირექტორისა და თანამშრომელთა მიმართ, ჩემი ორი წიგნის (,,დედამზე'', ,,მიმოხვეულში'') გამოცემისთვის.
