სავარჯიშოები ნატიფი მოტორიკის განსავითარებლად.
სასკოლო მზაობის ასაკის ბავშვებისთვის.
აქტივობათა რვეული „მხიარული ხაზები“ საგანმანათლებლო რესურსია, რომელიც ბავშვებთან მუშაობის პროცესში დიდ დახმარებას გაუწევს მშობლებს, აღმზრდელებს, სკოლის დაწყებითი საფეხურის მასწავლებლებს, სპეცმასწავლებლებს, ფსიქოლოგებსა და ლოგოპედებს.
აქტივობათა რვეულის გამოყენება მიზანშეწონილია სხვადასხვა ასაკის ბავშვებთან, მათი საჭიროებისა და შესაძლებლობების გათვალისწინებით, რათა განივითარონ ხელის ნატიფი მოტორიკა და გაივარჯიშონ თვალისა და ხელის შეთანხმებული კოორდინაცია.
რატომ უნდა დავეხმაროთ ბავშვებს ხელის ნატიფი მოტორიკის განვითარებაში?
მეცნიერულად დადასტურებულია, რომ ხელის თითების მოძრაობა სტიმულს აძლევს ცენტრალურ ნერვულ სისტემას და თავის ტვინში ააქტიურებს მოტორიკის ცენტრს, რომელიც, თავის მხრივ, ააქტიურებს მეზობლად მდებარე სხვა ცენტრებს, მათ შორის, მეტყველების ცენტრსაც. ამიტომ ხელის ნატიფი მოტორიკის ვარჯიში ავითარებს: მეტყველებას, აზროვნებას, ყურადღებას, ფანტაზიას, ნებისყოფას, მეხსიერებას...
„მხიარული ხაზების“ დახმარებით ბავშვებს განუვითარდებათ ხელის ნატიფი მოტორიკა და ისინი გაღიზიანების გარეშე შეასრულებენ ისეთ აქტივობებს, როგორიცაა: წერა, ხატვა,ყოველდღიური საქმიანობა; გაიზრდება მათი სასწავლო მოტივაცია და სიახლეების ძიების სურვილი.
