ფრიდრიხ ნიცშეს წიგნი - „ტრაგედიის დაბადება მუსიკის სულიდან“ პირველად 1872 წელს გამოქვეყნდა გერმანიაში, რომელიც მიჩნეულია მის პირველ მნიშვნელოვან ნაშრომად.

წიგნი თემატურად ეძღვნება ძველი ბერძნული ტრაგედიის პრობლემატიკის განხილვას. მაგრამ ეს არის არა მხოლოდ კლასიკური ფილოლოგიის ახალგაზრდა პროფესორის ნაშრომი, არამედ ფართო ფილოსოფიური, კულტურული და ესთეტიკური კვლევა, რომელიც მოიაზრებს არა მხოლოდ ძველი ბერძნული, არამედ თანამედროვე ევროპული საზოგადოების მსოფლმხედველობით პარადიგმებს. ამასთან, ნიცშე განიხილავს ბერძნულიდან ევროპული მსოფლმხედველობის მემკვიდრეობითობისა და ამ მსოფლმხედველობის შეცვლის გზებს.