ისეთ ქვეყანაში თუ ყოფილხარ, სადაც ყველა საათი განსხვავებულ დროს აჩვენებს, ისრები უკუღმა ტრიალებს და ადამიანს ასაკი კი არ ემატება, აკლდება? ან ისეთი ქალაქი თუ გინახავს, შავისა და თეთრის გარდა, სხვა ფერი რომ არ აქვს, მის ქუჩებში კი მოლაპარაკე ძაღლი დაცუნცულებს? ალბათ, არა.
ბნელ საკუჭნაოში ჩაკეტილი ონავარი ლუკი კი სწორედ ასეთ ქვეყანაში აღმოჩნდა და, არც მეტი, არც ნაკლები, დროთა ქვეყნისთვის – დროის, უფერო-ქალაქისთვის – ფერის და ორივესთვის სიხარულის დაბრუნება გადაწყვიტა. აი, როგორ დასტყუებს პატარა ბიჭი დროს, ფერებსა და ათას მოპარულ სიკეთეს ბოროტ ჯადოქარ ჯაჯალს, ჩვენი ზღაპარი გიამბობს.
