ოტია იოსელიანის "წერილები დაჩის" თაობებს შორის დიალოგის ანაბეჭდია. დაჩი მწერლის ვაჟია და იმის მიუხედავად, რომ კრებულს მისი სახით კონკრეტული ადრესატი ჰყავს, ბარათების ფორმით დაწერილი ეს ნოველები, ჩანაწერები თუ მინიატურები მაინც სცილდება კონკრეტულ საზღვრებს და ადრესატში არამხოლოდ ზოგადად ახალგაზრდა თაობას მოიაზრებს, არამედ ყველა მსმენელსა თუ მკითხველს.
