ჩემო პატარა მკითხველო, ამ ლამაზ ზღაპარში გაიცნობ კეთილ, გულისხმიერ ბიჭუნას, თოკოს. ბოროტი ადამიანების გამოისობით, იგი შუაგულ ზღვაში აღმოჩნდება, თუმცა შეკრთომასაც ვერ მოასწრებს, რომ მის გვერდით ერთგული, გამჭრიახი და შეუპოვარი მეგობრები გაჩნდებიან. მათთან ერთად გადაცურე უკიდეგანო ზღვა, დატკბი უცნაური წყალმცენარეებისა და ლამაზ-ლამაზი, ღამღამობით მოციმციმე თევზების ცქერით, „დააგემოვნე“ უგემრიელესი ზღვის ნაყინი და კიდევ ერთხელ დარწმუნდი, რომ სიკეთე მუდამ იმარჯვებს ბოროტებაზე.
