ისევე, როგორც ყველა ზღაპარში, ამ წიგნშიც სიკეთე იმარჯვებს. ბურატინოს დაუფიქრებელი საქციელი ბავშვს აშკარად აგრძნობინებს, თუ რა მოსდევს უფროსის რჩევის იგნორირებასა და ზედმეტ სითამამეს; რომ ბავშვი ქუჩაში უცნობ ადამიანს არ უნდა გამოელაპარაკოს და არ უნდა დაუჯეროს; რომ ამქვეყნად ყველა კეთილი როდია; რომ ყველა სიტუაციიდან არსებობს გამოსავალი, თუ ჭკვიანი ხარ. ამ და სხვა უამრავ სასიკეთოს ასწავლის ბავშვს ეს თანამედროვე ქართული ენით ახლადთარგმნილი წიგნი, რომელსაც 60 წელზე მეტია გატაცებით კითხულობს ყველა თაობის ბავშვი.
